ಬೆಂಗಳೂರು : ನಗರದ ಡಿ.ಜೆ ಹಳ್ಳಿ ಗಲಭೆಗೆ ಆರೋಪಿ ನವೀನ್ ಮಾಡಿರುವ ಫೇಸ್ಬುಕ್ ಪೋಸ್ಟ್ ಕಾರಣ ಎಂಬುದು ಸದ್ಯ ಎಲ್ಲರಿಗೂ ತಿಳಿದಿರುವ ಸಂಗತಿ. ಇದೇ ಪ್ರಕರಣದಲ್ಲಿ ಆರೋಪಿ ನವೀನ್ ಬಂಧನವೂ ಆಗಿದೆ.
ನವೀನ್ ಬಂಧನವಾಗಿ 30 ಗಂಟೆಗಳು ಕಳೆದಿವೆ. ಮಂಗಳವಾರ ರಾತ್ರಿಯೇ ಆತನ ಬಂಧವಾಗಿತ್ತು. ಇದೀಗ 15 ಗಂಟೆಗಳ ಹಿಂದೆ ನವೀನ್ ಫೇಸ್ಬುಕ್ನಿಂದ ಮತ್ತೊಂದು ಪೋಸ್ಟ್ ಶೇರ್ ಆಗಿರುವುದು ಸಾಕಷ್ಟು ಅನುಮಾನಕ್ಕೆ ಕಾರಣವಾಗಿದೆ.
ಕೆಲ ದಿನಗಳ ಹಿಂದೆ ಬಿಜೆಪಿ ಶಾಸಕ ಮುರುಗೇಶ್ ನಿರಾಣಿ ಅವರು ಹಿಂದೂ ದೇವರ ಬಗ್ಗೆ ವಾಟ್ಸಪ್ ಮಾಡಿದ್ದರೆನ್ನಲಾದ ಸುದ್ದಿಯು ನವೀನ್ ಫೇಸ್ಬುಕ್ನಲ್ಲಿ ಕಳೆದ 15 ಗಂಟೆಗಳ ಹಿಂದೆ ಶೇರ್ ಆಗಿದೆ.
ಆದರೆ, ಪೊಲೀಸ್ ವಶದಲ್ಲಿರುವ ನವೀನ್, ತನ್ನ ಮೊಬೈಲ್ ಕಳೆದುಹೋಗಿದೆ ಎಂದು ಮೊನ್ನೆಯಿಂದಲೂ ಪೊಲೀಸರಿಗೆ ಹೇಳಿಕೆ ನೀಡುತ್ತಿದ್ದಾನೆ. ಇದಕ್ಕೂ ಮುನ್ನ ತನ್ನ ಫೇಸ್ಬುಕ್ ಅನ್ನು ಯಾರೋ ಹ್ಯಾಕ್ ಮಾಡಿದ್ದಾರೆ ಎಂದು ನವೀನ್ ಆರೋಪಿಸಿದ್ದರು. ಇದೀಗ ಮತ್ತೊಂದು ಪೋಸ್ಟ್ ಬಂದಿರುವುದು ಅನುಮಾನದ ಹೊಗೆಯಾಡುವಂತಿದೆ.
